Hjónin Benni og Sigga

Benedikt Líndal

oftast kallaður Benni Líndal,  er með A-reiðkennararéttindi og meistarapróf í tamningum frá FT.

Ferill hans sem atvinnumanns hófst árið 1973 og spannar nú rúmlega fjóra áratugi.

Benni vinnur með tamningatyppi og þjálfun lengra kominna hrossa auk þess að stunda kennslu hérlendis og erlendis. Á ferli sínum hefur hann með góðum árangri tekið þátt í mörgum af stærstu mótunum sem haldin eru fyrir íslenska hesta á Íslandi og víðar, s.s. Fjórðungsmót og Landsmót, Evrópu- og Heimsmeistaramót.

Þá hefur hann og starfað sem reiðkennari við Landbúnaðarháskólana bæði á Hvanneyri og á Hólum.

 

Í kennslunni hefur áherslan alltaf verið á velferð hestsins í því flókna samspili sem samskipti manns og hests eru. Og um leiðir til að skilja betur tungumál og tjáningarmáta hans, hegðun og þarfir og hvernig best megi miðla þessari þekkingu áfram.

 

Til þess framleiddi hann kennsluefni fyrir íslenska hesta á fjórum tungumálum, sem allt er metsöluefni - bæði DVD  Frumtamning og Þjálfun og bókin Samspil (sem nýlega var endurútgefin á sænsku en er uppseld og ófáanleg á öðrum tungumálum).

 

Þá hefur hann í mörg ár í samvinnu við hinn þekkta reiðtygjaframleiðanda Stübben GmbH, hannað og framleitt   Benni´s Harmony hnakka.

 

Hestavænir þjálfunaraðferðir og hestvæn reiðtygi ganga í hönd þegar  kemur að því að skapa gott samband milli manns og hests. 

Sigríður Ævarsdóttir

yfirleitt kölluð Sigga hefur stundað búskap með hross, kindur og geitur í meira en 30 ár.

 

Hún hefur lokið námi í lífrænum landbúnaði frá Landbúnaðarháskólanum Hvanneyri auk kennsluréttindanáms í Vistrækt (Permaculture Design). Hún er einnig menntuð sem hómópati frá College of Practical Homeopathy í London með viðbótarkúrs í hómópatíu fyrir hesta frá Institut Kappel Wüpperthal.

Síðustu árin hefur hún unnið sem vöruþróunarstjóri sprotafyrirtækisins Pure Natura ehf. við þróun á bætefnum úr íslensku hráefni.

Að auki er Sigga alþýðulistakona og hannar og framleiðir ýmsar gjafavörur undir nafninu Kúnsthandverk - oftast tengdar hestum eða íslenskri náttúru. Þetta eru áprentaðir bollar, myndir og póstkort - bæði í fjöldaframleiðslu og eftir sérpöntunum.

1/1

Benni: +354 863-6895 Sigga: +354 893-1793